Inscrición no curso: “A vida en series”

Este mes tamén falaremos de series de televisión, da man de J. A. Cascudo, docente da Universidade de Santiago e experto en audiovisual. 

"A vida en series" é un curso de dous días (22 e 30 de decembro, no Auditorio Municipal) no que se fará un percorrido pola historia da ficción televisiva, incluíndo as novas tendencias e series de culto. 

Despois da primeira xornada, os asistentes poderán, vía redes sociais,  entablar un diálogo co ponente no que suxerirlle series e temas relacionados dos que debatir na segunda sesión.

A entrada é de balde para os socios e de 4 euros para o público xeral. Por cuestión de limitación de aforo, será preciso facer unha inscrición previa no seguinte formulario:

Programación Decembro

Programacion Decembro 17

Aquí está o programa de decembro!!!
O mércores día 13 proxectaremos «Verano 1993» a seleccionada para representar a España nos Oscar, e os días 22 e 30 falaremos de series de TV con J.A.Cascudo.

 

“Estiu 1993” (Carla Simón, 2017) é unha das óperas primas máis celebradas dos últimos tempos. Esta cinta con tintes autobiográficos foi recoñecida en prestixiosos festivais internacionais como o Festival de Berlín, Festival de Málaga, Premios Feroz ou os Premios do Cine Europeo, alén de ser precandidata ao premios Oscar en representación da Academia española. A proxección terá lugar este mércores día 13 no Salón García da Casa da Cultura de Vilagarcía, por volta das 21 horas. A entrada é de balde para os socios e de 4 euros para o público xeral.

 

100 anos da Revolución Rusa

En conmemoración do centenario da Revolución Rusa, e en colaboración co PCG, este mércores día 15 proxectaremos o documental “Le Tombeau d´Alexandr” (O último bolxevique), dirixido por Chris Marker. A proxección terá lugar no Salón García ás 20:30 horas.

Estarán con nós Julio Vilariño, técnico en realización e licenciado en Historia da Arte, investigador na USC, membro do Cineclube de Compostela e crítico en publicacións como Ariel, Novas da Galiza, Protexta ou A Cuarta Parede; e Maribel Iglesias, profesora de Xeografía e Historia e Doutora en Historia da Arte pola USC. 

 

*Entrada de balde ata completar aforo.

Programación Novembro

Este mes de novembro temos programadas tres proxeccións no Salón García da Casa de Cultura de Vilagarcía.

A primeira das proxeccións terá lugar este mesmo mércores día 8, sendo a cinta elixida ” Little Men” (Verán en Brooklyn), película norteamericana de 2016 dirixida por Ira Sachs (Love is Strange)

 

noviembre

 
 

A seguinte proxección será a do documental “Le Tombeau DÁlexandre” (O último bolchevique) (Chris Maker, 1992), en conmemoración co centenario da Revolución Rusa. Terá lugar o mércores día 15.

Finalmente, pola celebración do día Internacional da eliminación da violencia contra a muller, o sábado día 25 proxectaremos “A Girl, Walks Home Alone At Night” ( Unha moza volve a casa soa de noite), de Ana Lily Amipour (EEUU 2016), una película de vampiros ambientada en Irán, rodada en branco e negro e cunha estética propia do cine indie estadounidense.

A entrada será donación a favor da asociación “O Soño de Lilith”.

 

Programación Outubro

Neste mes de outubro temos programada a proxección de dúas longametraxes, “Once” (Unha vez) e “The Straight story” (Unha historia verdadeira), ambas en versión orixinal subtitulada. A diferencia do que vén sendo habitual, as proxeccións terán lugar en dúas semanas consecutivas (mércores 11 e 18), xa que a partir do día 23 comeza o festival organizado por Curtas.

Este mércores día 11 de outubro, no Salón García da Casa da Cultura e en horario de 21 horas, proxectaremos a cinta irlandesa “Once” (unha vez), dirixida por John Carney en 2007 e protagonizada por Glen Hansard e Markléta Irglová. A película obtivo o premio Oscar á mellor canción orixinal.

“Glen Hansard é un cantante e compositor que interpreta as súas cancións polas rúas de Dublín. Durante o día gaña un diñeiro extra interpretando cancións coñecidas para os transeúntes, mentras pola noite toca os seus propios temas, nos que conta a súa ruptura amorosa. O seu talento non pasa desapercibido para Markéta Irglová, unha inmigrante checa que vende flores na rúa. Ela tampouco tivo sorte no amor, e escribe cancións para sentirse mellor, mais ela non as interpreta en público como Glen. Markéta e Glen terminan facendo un dueto improvisado e descubren que hai algo que os une…”

outubro1

O próximo mércores, día 18, proxectarase o film de David Lynch de 1999 “The Straight Story” (Unha historia verdadeira), basada na historia real de Alvin Straight, un home de 73 anos que viaxou de Iowa a Wisconsin montado na súa segadora John Deere.

“Alvin Straight (Richard Farnsworth) é un achacoso ancián que vive en Iowa coa súa filla discapacitada (Sissy Spacek). Alén dun efisema e pérdida de visión, ten graves problemas na cadeira que case lle impiden pórse de pé. Cando recibe a nova de que o seu irmán, co que leva 10 anos enemistado, sufriu un infarto, decide ir a visitalo a Wisconsin. Para iso terá que percorrer unha distancia duns 500 kilómetros a bordo do único medio de transporte do que dispón, un pequeno tractor”

A entrada é de balde para os socios do Cineclube e de 4 euros para o resto.

Programación Setembro

Despois da existosa edición da Semana de Cine 2017 e dun pequeno descanso estival, neste mes de setembro volve a programación regular do Cineclube Ádega. A selección deste mes está composta por “Tarde para la ira”, o celebrado debut de Raúl Arévalo como director, e “Tengoku to Jigoku” (O inferno do odio), unha obra mestra de Akira Kurosawa.

A primeira proxección terá lugar este mesmo mércores día 13, no Salón García da Casa da Cultura de Vilagarcía no horario habitual de 21:00 h, sendo a cinta protagonista “Tarde para la ira”. Gañadora de 4 premios na última edición dos Goya (Mellor Película, Mellor Dirección Novel, Mellor Guión Orixinal e Mellor Actor de Reparto), a estrea de Raúl Arévalo na dirección é un thriller de vinganza, hiperrealista e áspero, se ben o realizador califícaa como “un drama con toques de thriller”

“Madrid, agosto de 2007. Curro entra na cadea tras ter participado no atraco a unha xoiería. Él era o conductor, e o único detido polo roubo. Oito anos despois sae do cárcere con gana de comezar unha nova vida coa súa moza e o seu fillo, mais atoparase cunha situación inesperada e a un descoñecido, José.

 
setembro2017
 
 A seguinte cita será o mércores 27, no mesmo lugar e hora, coa proxección de Tengoku to Jigoku (O inferno do odio), un clásico do cinema xaponés dirixido por Akira Kurosawa en 1963. Trátase dun fascinante thriller de detectives dirixido coa precisión e mestría habitual do xenio nipón, no que as pesquisas policiais acompáñanse de apuntes morais sobre a ética, o traballo ou as clases sociais.
 
 
“Nun momento crucial da súa vida financeira, un directivo dunha importante empresa de calzado recibe a nova de que o seu fillo foi secuestrado. O rescate exixido é unha importante cantidade de diñeiro que o protagonista necesita para pechar unha negociación que lle daría o control da empresa” 
 
 A entrada para as proxeccións é de balde para os socios e de 4 euros para o público xeral. 

Página 1 de 10

© 2017 Cine Clube Ádega & Web desarrollada por Prixma. &Aviso Legal - Política de Cookies

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR