Achégase o día das Letras Galegas!

Nós celebraremos o mércores 19 de maio, este homenaxe á creación literaria en galego e pola defensa da lingua. Nesta ocasión dedica-rase a Xela Arias, quen foi unha das voces máis destacadas da poesía galega contempo-ránea. Xela supuxo unha renovación da poesía nos anos 80 e é por iso que, consideramos oportuno presentarvos a película Lúa Vermella de Lois Patiño, que do mesmo xeito que a obra desta autora, supón unha innovación ademais dunha representación do ‘Novo cinema galego’.

Lois Patiño amósanos a través desta historia fantasmagórica, unha creación esencial-mente visual e mesmo poética que non deixa indiferente a ninguén. Transpórtanos á Costa da Morte e a esas preciosas paisaxes galegas, empregando novas maneiras de ex-plicar vellas historias -mitos e lendas, o mar, a morte, as meigas- a través de reflexións de voces en off e na súa versión orixinal, que non podía ser outra que o galego.

As súas imaxes vólvense cada vez máis fascinantes segundo avanza o filme, polo que con-sideramos que todo o mundo debería ter a oportunidade de ver esta obra, se é posible nunha pantalla grande.

Que é Lúa Vermella? Sen dúbida, unha declaración de amor a Galicia.

¿Que dixo a crítica?

LA VOZ DE GALICIA – SABELA PILLADO
“Misteriosos monstros mariños, homes que volven da morte, habitantes dunha aldea que ben parecen mortos en vida…Todo iso e moito máis (maxia, misticismo, crenzas milenarias, etnografía…) é Lúa Vermella. Imaxes poéticas, metafóricas, acompañadas de música inquietante, e nas cales a fronteira entre as Artes dilúese, asistindo a unha sucesión de cadros pictóricos, uns tableux vivants poboados de revenants, onde ecos a Turner, Comstable ou Friedrich fálannos do salvaxe e o costumista, así como da peque-nez do home fronte á inmensidade da natureza.”

ZIG ZAG CRTVG – ÁNGEL SUANCES
Estamos ante o cineasta galego, seguramente podemos expandir esta idea máis aló dos límites de Galicia, que mellor encadra. Cada fotograma podería ser un cadro, e precisa-mente por iso debe verse en pantalla grande.”

EL PAÍS – JAVIER OCAÑA
“A habitual simbiose entre a paisaxe física e a paisaxe humana das películas máis ape-gadas ao estilo do movemento cinematográfico galego xorde de novo cun traballo de ce-gadora capacidade visual.”

ABC – ANTONIO WEINRICHTER
“A súa ambición -en referencia a Patiño- lévalle a meterse no charco (a frase vén a conto porque esta é unha película de auga e de potentes imaxes inefables, ao Tarkovski) de acometer o máis difícil modo literario de levar á pantalla: o do realismo máxico. Claro que se hai un sitio onde pode alumarse tal criatura é en Galicia.”

LA RAZÓN – MATÍAS G. REBOLLEDO
“Na súa Lúa Vermella, silente e marabillosa, o espírito do Novo cinema galego manifés-tase mediante pantasmas que homenaxean a ‘O Ángelus’ de Millet e criaturas mariñas que beben do mellor Lovecraft”

Lúa Vermella ten unha ampla traxectoria no seu paso por festivais. Pasou polo Berlinale Fó-rum de Alemaña, en 2020, ademais do Festival Internacional de Cinema de Cartaxena de Indias. Tamén pasou polo Festival Indie Lisboa, o Festival Internacional de Cinema de Jeonju en Corea do Sur e o Festival Internacional de Cinema de Xangai. Por último pasou polo Fes-tival de Málaga 2020, onde foi premiada á Mellor Película Española Zonazine.