PROTOCOLO DE ACCESO DO CINE CLUBE ÁDEGA E MEDIDAS COVID19

Será necesario a reserva de entrada na web: www.cineclubeadega.com

Actualmente temos aforo limitado a 36 persoas na sala, de acordo coas recomendacións das autoridades sanitarias.

A información das proxeccións e dos filmes se poden consultar na mesma web do Cine Clube Ádega.

A apertura de portas realizarase con antelación para permitir un acceso gradual á sala.

O acceso e saída do público á sala realizarase de forma escalada e asegurando unha distancia física de polo menos 1,5 metros no vestíbulo e co persoal do Cineclube.

O uso dos aseos estará permitido soamente para unha persoa ao mesmo tempo, agás nos supostos de persoas que poidan precisar asistencia, que poderán levar un acompañante.

Disporanse de dispensadores de xel hidroalcohólico en varios puntos na zona de entrada e de carteis informativos nos puntos de acceso sobre as normas de obrigado cumprimento de a distancia mínima, uso de máscara e hixiene de mans.

Non se permite o acceso á sala ás persoas que presenten a seguinte sintomatoloxía: febre, calafríos, tos, sensación de falta de aire, diminución do olfacto e do gusto, dor de gorxa, dores musculares, dor de cabeza, debilidade xeral, diarrea ou vómitos.

Grazas.

Debido ás medidas restrictivas tomadas pola Xunta de Galicia por mor da situación sanitaria, o “Ciclo das Linguas” que organizan Ádega e a Escola Oficial de Idiomas de Vilagarcía queda suspendido até novo aviso. Coa situación actual o aforo máximo permitido sería de tan só 30 persoas, polo que agardaremos a outra data na que a situación permita que o ciclo poida ser disfrutado por un maior número dos nosos socios e de alunos da EOI.

Do mesmo xeito, o resto de actividades do Cineclube quedarán en suspenso até que poidan ser levadas a cabo noutras condicións.

Pregamos que comprendades a situación e pedimos disculpas polas molestias ocasionadas.

Seguindo a medida dictada este mediodía polo goberno autonómico, na que se limita o aforo de eventos a porta pechada, a directiva do #cineclubeádega, de forma consensuada coas institucións que nos apoian, decidiu aprazar a proxeccións deste mes ata novo aviso.

Sentimos as molestias que esta decisión poida causar a todas as persoas implicadas, e agradecemos inmensamente o respaldo amosado.

Colaboramos ca Área de Igualdade do Concello de Vilagarcía na programación do 8M Día Internacional da Muller