2019 – Página 2 – Cine Clube Ádega

Ciclo de Cine LGTBI+

Publicado El 08/07/2019

En 2019, Novas, Programación

Con motivo do Orgullo LGTBI colaboramos coa Área de Igualdade do Concello de Vilagarcía para programar este Ciclo de Cine.

Abrimos o ciclo o Xoves 11 de xullo co film estadounidense “The Miseducation of Cameron Post”, dirixida por Desiree Akhavan que se estrea esta mesma semana en España. Ao remate desenvolverase un coloquio a cargo dos integrantes do Grupo de Diversidade Afectivo Sexual do IES Castro Alobre.

O xoves 18 de xullo proxectarase “Laurence Anyways”, unha película canadense de Xavier Dolan tras a cal se abrirá un coloquio no que intervirá Carolina Smith para relatar a súa experiencia como muller transexual na década dos 80, así como unha representante da asociación “Nos Mesmas” de Vigo. Estas proxeccións terán lugar no Salón García a partir das 21:00 horas.

O ciclo de cine de temática LGTBI+ pecharase cunha proxección especial de curtametraxes nos Xardíns de Ravella o Martes 23 de xullo ás 22.00 horas e, como colofón realizaras a performance “Preparados, Apunten… Flores” protagonizada polo colectivo de actrices “Resaca Colectiva.

Programación Xullo

Publicado El 28/06/2019

En 2019, Novas, Programación, Sin categoría

Programación Xuño

Publicado El 31/05/2019

En 2019, Novas, Programación

Neste mes de xuño proxectaremos dúas longametraxes. Nesta ocasión os títulos elixidos son “Demain” (Mañá) e “Manbiki Kazoku” (un asunto de familia).

A primeira das dúas citas terá lugar este mércores día 5 ás 21 horas no Salón García. Con motivo do Día Mundial do Medio Ambiente, veremos o filme francés “Demain” (Mañá), premiado como o Mellor Documental nos Premios Cesar 2015 do cinema francés.
“Tras a publicación dun estudo que anunciaba a posible desaparición de parte da humanidade en 2100, Cyril Dion e Melánie Laurent e un equipo de catro persoas visitan dez países para investigar as causas da catástrofe, e sobre todo, a forma de evitala. Durante a súa viaxe atopan pioneiros que reinventan a agricultura, a enerxía, a economía, a democracia e a educación. Rematado o seu traballo vislumbran a posibilidade de que xurda un mundo novo: o mundo do mañá”

O día 19 proxectaremos o filme xaponés de 2018 “Manbiki Kazoku” (un asunto de familia), no mesmo lugar e hora.

“Osamu e o seu fillo a topan unha nena en medio do frío glacial. Ao principio, a muller de Osamu é reacia a albergar a nena, pero ao ver as dificultades que afronta, acepta coidar dela. Aínda que a familia é pobre e apenas sobrevive a base de cometer pequenos delitos, parecen vivir felices xuntos, até que un accidente imprevisto revela secretos ocultos que porán a proba os lazos que os unen”

Programación Maio

Publicado El 01/05/2019

En 2019, Novas, Programación

Neste mes de maio, temos dúas longametraxes, ambas no Salón García da Casa da Cultura de Vilagarcía e en horario de 21:00 horas.

A primeira proxección terá lugar este mércores día 8, sendo a cinta protagonista “Dogman”, dirixida por Matteo Garrone en 2018. Triunfadora dos premios David de Donatello, tamén foi galardonada en Cannes e nos Premios do Cine Europeo.

“O propietario dunha perruquería canina na contorna de Roma deixase influenciar por un delincuente local até que a súa vida complícase e decide tomar as riendas da situación”

O mércores 29 proxectaremos “The Train“, longametraxe de John Frankenheimer, de 1964.

“O Coronel Franz Von Waldheim atópase destacado en París nunha misión moi concreta: facerse coas modernas pinturas francesas, as mesmas calificadas de “dexeneradas” polos nazis, e cargalas nun tren con destino a Alemaña para o Terceiro Reich. Debe ter moito coidado en non dañar a carga e un tempo limitado, xa que os aliados están perto de reconquistar a cidade”

Programación Abril

Publicado El 01/04/2019

En 2019, Novas, Programación

Este mes adaptamos as datas das proxecións devido as eleccións e comezamos o mércores 3 con “Confessions“.

Gañadora dos galardóns á mellor película, director e guión nos Premios da Academia de Xapón, e seleccionada para competir na última edición dos Óscar na categoría de Mellor Película Estranxeira, “Confessions” non só foi aclamada pola crítica como unha das mellores películas do ano, senón que tamén se converteu nun dos títulos máis sobresalientes na taquilla nipona.

O mércores 10: “Cold War” que é outra obra mestra. Pawlikowski retorna ao pasado, a un tempo asfixiante e represor na Polonia da posguerra, para narrar un amor tan volcánico como desgarrador, ao que as circunstancias impoñen o nin contigo nin sen ti, e que se desenvolve entre 1949 e 1964.

“Una película modélica en todos los sentidos, un verdadero regalo, milagroso trabajo de iluminación en blanco y negro y de una textura bellísima”. Nando Salvá

Programación Marzo

Publicado El 01/03/2019

En 2019, Programación

Este mes de marzo comezamos os actos do Día Internacional da Muller coa proxeción de Trote, o filme de Xacio Baño con María Vázquez. Contaremos coa presenza do director e a actriz nun debate logo da proxeción

Neste acto contamos coa colaboración coa Concellería de benestar social e igualdade do Concello de Vilagarcía e coa asociación O soño de Lilith e a entrada é de balde.

E o próximo día 20 o clásico que a todo o que lle guste o cinema ten que haber visto, “O salario do medo”. Gañadora do Oso de Ouro en Berlín e a Palma de Ouro en Cannes.

Categoría: 2019 (Página 2 de 3)

Ciclo de Cine LGTBI+

Programación Xullo

Programación Xuño

Programación Maio

Programación Abril

Programación Marzo

RESERVA DE ENTRADAS

Accattone (colección Filmoteca de Galicia)

Normas Covid

Alta de Socios

Buzón de sugerencias

Boletín de novas

Archivos

Uso de cookies