Etiqueta: longamentraxes

Poñémonos moradas de cine: especial mes da muller MARZO ’24

Volta o especial máis reivindicativo que estabas agardando. En honor ao 8M, Día da Muller, e como en anos precedentes, dedicamos este mes moi especialmente a elas: directoras, produtoras, realizadoras, guionistas, actrices e un largo etcétera, ás súas historias e andanzas polo cinematográfico.

O primeiro filme dará inicio aos actos da semana da muller do Concello de Vilagarcía. Tráemosche en colaboración coa Área de Igualdade do Concello (CIM) unha sátira delirante dun homicidio, cun sutil humor feminista de fondo, escuro e sanguento como soamente unha directora belga como Véronique Jadin sabería facer. Vén coñecer á empregada premium deste mes:

A EMPREGADA DO MES (2021) | MÉRCORES 6 de marzo, 21h00

*Entrada de balde ata completar aforo grazas a colaboración co CIM de Vilagarcía

E de homicidios continúa a cousa, porque como segundo filme este mes tráemosche nin máis nin menos que a cinta máis aclamada deste ano, a favorita para gañar o Oscar a mellor filme, e previamente gañadora da Palma de Oro en Cannes, probablemente a única película dun xuízo que SI é interesante! Unha anatomía coa que estarás en vilo ata o final intentando esclarecer que aconteceu: foi ela, non foi ela? Este non é un xuízo calquera, e o xuízo de toda a sociedade contra as mulleres, representadas na figura dunha muller, Sandra Hüller, que deberá xustificar ante todos as súas eleccións vitas, cada un dos seus pasos, e cada ínfimo matiz das súas palabras. Como nos amosa Justine Triet, todo poderá ser utilizado na súa contra:

ANATOMÍA DUNHA CAÍDA (2023) | VENRES 15 de marzo, 21h00

E de regalo unha terceira película para facer este mes especialísimo. Unha cinta doblemente reivindicativa: a biografía dunha poeta demasiado moderna para o seu tempo que loita por facerse un oco como artista, Fumiko Nakajo, filmada por unha directora que tamén loitou por abrirse camiño na xerárquica e masculina industria cinematográfica do Xapón de mediados do século XX, Kinuyo Tanaka. Non te chega de paralelismos? As dúas recibirían na súa busca artística o apoio de homes que actuaron como os seus mentores: Nakajo do tutor do seu clube de poesía, Tanaka dos directores cos que previamente traballara como actriz protagonista, principalmente Ozu; tamén as dúas acabarían consumidas polo cancro. Unha xoia clásica de indubidable delicadeza que rescatamos con moito agarimo este mes:

PEITOS ETERNOS (1955) | VENRES 22 de marzo, 21h00

Programación Filmoteca

Non sei ti pero nós acabamos moradas!

Programación OUTUBRO

Programación Febreiro

Poucos títulos do cinema español han xerado un culto tan extenso como ‘Amence, que no es poco‘ (1989). A película de José Luis Cuerda entrou no imaxinario de toda unha xeración de espectadores que conectaron co seu costumismo absurdo no que o popular, o rural e o culto abrázanse e mesturan con promiscuidade e convencemento, e aínda hoxe recitan de memoria os seus diálogos máis memorables ou percorren as localizacións albaceteñas onde se rodou.

Este mes queremos facer unha homenaxe ao cineasta manchego con motivo da estrea de “Tiempo despues” no que deixa constancia do recoñecemento que esta xeración crecida nos noventa levou a cabo do seu particular sentido do humor.

O mércores 20, “El insulto“, unha excelente película, cun tema de fondo que se pode situar en calquera sociedade e en calquera territorio do mundo.

Delicada e minimalista desde un desafortunado insulto, trata temas como relixión, política, convivencia, abdicativa a todas as miserias que arrastramos pola intolerancia nun contexto da crise entre o Líbano e Israel.

Nomeada ao Óscar a Mellor Película Estranxeira e Premio ao Mellor Actor en Venecia, e unhas interpretacións impecables.

Programación Xaneiro

Comezamos o 2019 con dúas longametraxes en Xaneiro no Salón García da Casa da Cultura de Vilagarcía e en horario de 21:00 horas.
A primeira das proxeccións terá lugar este vindeiro mércores día 9 de xaneiro, sendo a longametraxe protagonista “Sanma No Aji” (O sabor do Sake), de Yasujiro Ozu.

“Shubei Hirayama é un viúvo que vive coa súa filla de 24 anos. Sentíndose vello e acabado, pensa no inxusto que é o feito de que unha moza viva única e exclusivamente para coidalo e decide casala. Aínda que ela se resiste a abandonar ao seu pai, finalmente acabará facéndoo. Entón Shubei buscará no licor do sake o refuxio da súa soidade, o consolo da súa angustia”  

A segunda cita será o mércores 23, coa proxección de “What we do in the shadows” (O que facemos nas sombras). Trátase dun divertidísimo e terrorífico falso documental sobre a vida dun grupo de vampiros que comparten piso na capital neocelandesa. 

Coma sempre a entrada para estas películas é de balde para os socios xa que está incluida na cuota e de 4 euros para o público xeral, como socios por un día.

Programación Xaneiro

Imprimir

Neste mes de xaneiro hai programadas dúas proxeccións, os mércores 10 e 24, en horario de 21 horas, no Salón García da Casa da Cultura de Vilagarcía.

Este mércores día 10 proxectarase “Uccellacci e uccellini” (en España “Pajaritos y pajarracos”, de Pier Paolo Pasolini, cinta candidata á Palma de Ouro no Festival de Cannes de 1966.

O próximo día 24 será o turno de “Dancer”, documental británico de 2016 dirixido por Steven Cantor sobre a figura do bailarín de ballet Sergei Polunin

Semana de Cine 2017

Semana de cine 2017_Baja

Este ano a Semana de Cine ven cargada de longametraxes, curtametraxes, obradoiros, encontros con cineastas, concertos e cine en Super 8.

Estade moi atentos!!

© 2024 Cine Clube Ádega & Web desarrollada por Prixma. &Aviso Legal - Política de Privacidad - Política de Cookies

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies